Жаңа Зеландияның қубла атаўында мыңға жақын қатнасыўшылар менен өткерилген изертлеў нәтийжесине муўапық, жүриў тезлиги мийдиң қартайыўы менен тиккелей байланыслы екен. Әстен жүретуғын адамлардың мийи қартайған болады.
Бул ҳаққында JAMA Network Open илимий басылымда келтирилген. Тәжирийбеде қатнасқанлар дәслеп 45 жаста болған. Алымлар оларды өмири даўамында бақлап барған. Жуўмақлаўшы басқышта МРТ жүриў тезлигиниң пәс болған адамларда мийдиң көлеми, оның қабығының тығызлығы жуқалаў екенлигин көрсеткен. Оларда майда тамырлардың кеселлиги анықланған. Бул жағдай болса, ақылы пәсликке ямаса ишемик инсултке алып келиўи мүмкин.
Изертлеў авторларынан бири Терри Моффиттиң айтыўына қарағанда, 70-80 жасында әстен жүриўшилер усы жаста тез жүретуғынларға салыстырғанда көбирек дүньядан өтеди. Изертлеў мектепке шекемги дәўирден қартайғанға шекемги басқышты өз ишине қамтыған.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
