«Өзбекстан Республикасының Административлик жуўапкершилик ҳаққындағы кодексине қосымшалар киргизиў ҳаққында»ғы Нызамның жойбары додалаўға қойылды.
Оның өзгерис киргизилген 192-1-статьясында «Тойлар, шаңарақлық бәзимлер, мерекелерди өткериў тәртибин бузыў» ҳаққындағы статьясында төмендегилер келтирилген:
Тойлар, шаңарақлық бәзимлер, мерекелерди өткериў тәртибине қойылатуғын талапларға усы илажды өткериўши шахслар тәрепинен бойсынбаў, –
Пуқараларға базалық есаплаў муғдарының он есеси муғдарында (2 230 000) жәрийма салыўға себеп болады.
Тойхана, кафе ҳәм ресторанлардың ҳәмелдар шахслары тәрепинен тойлар, шаңарақлық бәзимлер, мерекелерди өткериў тәртибине бойсынбаў –
базалық есаплаў муғдарының отыз есеси муғдарында (6 690 000) жәрийма салыўга себеп болады.
Усы статьяның екинши бөлиминде нәзерде тутылған нызамбузыўшылық административлик жаза шарасы қолланылғанынан соң бир жыл даўамында тәкирарланса, –
базалық есаплаў муғдарының елиў есеси муғдарында (11 150 000) жәрийма салыўға себеп болады.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
