Қарақалпақстан Республикасы Әдиллик министрлигиниң telegram каналында баласын мектепке шекемги билимлендириў мәкемесине бериўде кимлерге айрықша түрде жеңиллик берилетуғынлығы ҳаққында келтирип өтилген. Оған муўапық, төмендеги шахслардың балаларына балалар бақшасына қабыллаўда жеңилликлер бериледи:
- майыплығы болған шахслардың балалары;
- үш ямаса оннан көп балалары болған шаңарақлардың балалары;
- әскерий хызметкерлердиң ҳәм ҳуқық қорғаў органлары хызметкерлериниң балалары;
- студентлер ҳәм педагоглардың балалары;
- жетим балалар ямаса ата-анасының қарамағысыз қалған балалар;
- басқа мәкемелерден өткерилген балалар;
- ағалары ямаса қыз апалары усы мәкемениң тәрбияланыўшылары қатарынан болған балалар.
Бунда усы дизимдеги балаларға бақшада бос орынлар болғанда биринши нәўбетте жоллама бериледи.
Қарардың толық варианты менен төмендеги силтеме арқалы танысыўыңызға болады: http://lex.uz/docs/3603405
Сайтымыздың телеграмдағы каналына ағза болың: https://t.me/karinformuz
