Өзбекстандағы ўәкиллик уйымларына болып өтип атырған сайлаўдың дәслепки нәтийжелери бүгин, 22-декабрь күни саат 23:00 де жәрияланады.
Орайлық сайлаў комиссиясы баслығы Мирзо Улуғбек Абдусаломовтың мәлим етиўинше, Өзбекстан бойлап 60 сайлаў участкасына 120 видеокамера орнатылған болып, сайлаў процеси онлайн трансляция етилмекте.
Сайлаўлар Өзбекстандағы 10 260 ҳәм сырт еллердеги 55 сайлаў участкасында даўам етпекте.
Автоматластырылған электрон система тийкарында 20 миллион 495 мың 457 сайлаўшы дизимге алынған болып, соннан 18 миллион 797 мыңы (91,7%и) Өзбекстанда, 1 миллион 697 мыңы (8,3%и) сырт еллердеги сайлаў участкаларына туўра келеди.
Процести Өзбекстанда сәўлелендириў ушын 70 тен аслам сырт ел ҒХҚның 131 ўәкили және 800 ге шамалас жергиликли журналист аккредитациядан өткен.
Ислам Матеков.
Сайтымыздың телеграмдағы каналына ағза болың: https://t.me/karinformuz
