Республикалық арнаўлы комиссияның қарары тийкарында 2020-жыл 17-августтан баслап төмендегилерге рухсат бериледи:
- Аймақлар (Қарақалпақстан Республикасы, ўәлаятлар ҳәм Ташкент қаласы) арасында автотранспорт қуралларының қатнаўын тиклеў;
- Жәмийетлик транспорт, қала (район) ҳәм қала әтирапы жөнелислери бойынша автобус қатнаўы (метрополитен жумыслары буған кирмейди). Усы транспорт жумысларын шөлкемлестириў ушын:
* ҳәр қатнаўға шығыўдан алдын басқарыў ҳәм кондукторлардың дене температурасы пирометрлерде өлшенип, 37°С ҳәм оннан жоқары болған жағдайда олардың транспорт қуралын басқарыўына жол қоймаў, олардың медициналық нықап ҳәм қолғапта болыўы;
* жәмийетлик транспортта жолаўшылардың медициналық нықапта болыўы ҳәм олар арасында социаллық аралық сақланыўы, медициналық нықапта болмаған жағдайда олардың транспортқа шығыўына жол қоймаў;
* транспорт қуралы турақлы түрде ҳәр қатнаўға шығыўдан алдын (соның ишинде, ҳәр бир орынды) толық дезинфекциялаў зәрүр.
- Диний шөлкемлердиң жумысларына (ҳәр күни дезинфекциялаў жумысларын әмелге асырыў және қатаң социаллық аралықты сақлаў шеклеўлерине әмел етилиўин тәмийинлеген ҳалда). Бунда диний шөлкемлерде жума ҳәм шемби-екшембилик диний хызметлерди ўақытша әмелге асырмаў талап етиледи.
Ислам Матеков.
Сайтымыздың телеграмдағы каналына ағза болың: https://t.me/karinformuz
