Дастлабки тур олдидан институт ректори Б.Отемуратов сўзга чиқиб, барча ёшларга омад тилади.
Жами 3 турдан иборат бўлган турнирнинг биринши турида Нукус шаҳридаги 14 маҳалла фуқаролар йиғинидан 28 жамоа иштирок этиб, ўз билим ва кўникмаларини, мантиқий тафаккур даражасини синовдан ўтказишди.
Мураккаблик даражаси ўртача бўлган 15 саволдан иборат биринчи тур ўйинида юқори балл тўплаган жамоаларга фахрий ёрлиқлар топширилди.
Уч турдан иборат турнир якунида энг юқори балл тўплаган 6 жамоа аъзоларига институт томонидан дипломлар ва тарихий Хива шахрига бепул саёҳат учун йўлланма берилади.
Турнирнинг иккинчи тури келаси якшанба куни, 2 май санасида институтда бўлиб ўтиши режалаштирилган.
Шу ўринда таъкидлаб ўтиш жоиз, институтда пойтахтимиздаги маҳалла фуқаролар йиғинларида истиқомат қилувчи уюшмаган ёшлар учун мини футбол, волейбол, китобхонлик бўйича мусобақалар ўтказиш, қобилиятли ёшларни рағбатлантириш каби намунали ишлар амалга оширилиши белгиланган.
Ислам Матеков.
Муаллиф олган расмлар.
Сайтимизнинг телеграмдаги каналига аъзо бўлинг: https://t.me/karinformuz
