Бүгин, 28-июль күни Өзбекстан Республикасы Президенти Ш.Мирзиёев майыплығы болған, ата-анасының тәрбиясынан ажыралған ҳәм жетим балаларды мәмлекет тәрепинен қоллап-қуўатлаўдың жаңа системасын енгизиў илажлары бойынша видеоселектор жыйналысын өткермекте.
Жыйналыста Президент 1-сентябрьден баслап напақа муғдары шаңарақтағы балалар санынан келип шығып белгиленетуғынлығын атап өтти. Бунда балалардың жасы 14 жастан 18 жасқа шекем, төлеў мүддети 6 айдан 12 айға шекем узайтылады.
Сондай-ақ, «темир дәптер»ге кирген шаңарақлардың 122 мың перзенти, сондай-ақ, 370 мың бағыўшысынан айрылған ҳәм майыплығы болған балаларға мектепке барыўы ушын 500 мың сумнан бериледи.
Қайырқомлық, қәўендерлик ҳәм патронатқа алынған балалар да жоқары оқыў орынларына кириўде Меҳрибанлық үйлери ҳәм Балалар қалашалары питкериўшилери ушын ажыратылған қосымша квотадан пайдаланады.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
