Өзбекстан Республикасы Бас прокуратурасы жанындағы Экономикалық жынаятларға қарсы гүресиў департаменти ҳәм Мәмлекетлик қәўипсизлик хызметиниң Қарақалпақстан Республикасы басқармалары тәрепинен Ишки ислер министрлиги менен биргеликте өткерилген оператив илажда пуқара Р.Д. пуқара И.ға таныслары жәрдеминде Нөкис қаласы «Дослық» каналы бойынан 5 000 АҚШ доллары есесине 6 сотых жер майданын алып бериўди ўәде етип, алдын ала 20 миллион сумды алған ўақытта айғақлы дәлиллер менен усланған.
Бул ҳаққында Өзбекстан Республикасы Бас прокуратурасы жанындағы Экономикалық жынаятларға қарсы гүресиў департаментиниң баспасөз хызмети хабар берди.
Мәлим етилиўинше, усы жағдай бойынша Жынаят кодексиниң тийисли статьялары тийкарында жынаят иси ашылып, тергеў ҳәрекетлери өткерилмекте.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
