Бүгин, 11-февраль күни Президент Шавкат Мирзиёев басшылығында өткерилип атырған видеоселектор жыйналысында мәмлекет басшысы жолларда қатнаўды шөлкемлестириў ҳәм қәўипсизликти тәмийинлеў илимий тийкарда болыўы кереклигин атап өтти.
Жыйналыста Юнусободтың Юнус-ата көшесинде 2020-жылы 4 автоавария жүз берген болса, 1 дана светофор орнатыў арқалы 2021-жылда бирде-бир авария болмағанын, Киши айланба жолының Лак-бояў кәрханасының қарсы алдында қарама-қарсы жолды ажыратыўшы тосық орнатыў арқалы авариялардың алды алынғанын мысал етип көрсетти.
Сондай-ақ, пайтахт ҳәм үлкен қалалардағы орайлық көшелерде тезлик шеклеўлерин илимий тийкарда белгилеў кереклиги атап өтилди.
Атап айтқанда, мектеп ҳәм бақшалардың алдында тезлик 30 километрден өтпеўи шәрт екенлиги, айырым ҳәрекет көп болған көшелерде болса ҳәзирги 70 километр сааттан 60 километрге шекем түсириў зәрүрлиги бар екенлиги көрсетип өтилди.
Ислам Матеков,
Karinform.uz.
Сайтымыздың телеграмдағы каналына ағза болың: https://t.me/karinformuz
