Telegram karinform

Фоторепортаж

  • 01.06.2022 16:00
  • 379

Балаларға байрам саўғалары тапсырылды

 

Бүгинги күни елимизде Президентимиз Ш.Мирзиёев басшылығында келешек әўладларымыз есапланған балалар тәрбиясы, оларға ҳәр тәреплеме ғамқорлық көрсетиў, мүнәсип шараятлар жаратып бериў бағдарында кең көлемли жумыслар әмелге асырылмақта. Әсиресе, бундай итибар ҳәм ғамқорлықлардан ҳеш ким шетте қалмай атырғанын айрықша атап өтиў орынлы.

 

1-июнь – Халықаралық балаларды қорғаў күни мүнәсибети менен Нөкис қаласындағы «Имкан» реабилитациялық орайға ийе болған мәмлекетлик қәнигелестирилген көп тармақлы мектепке шекемги билимлендириў мәкемесинде байрам илажы болып өтти.

 

Илажға Қарақалпақстан Республикасы Жоқарғы Кеңесиниң Баслығы М.Камалов қатнасып, бул жерде тәрбияланып атырған балаларға байрам саўғаларын тапсырды.

 

 

Атап өтиў орынлы, ҳәзирги ўақытта мәмлекетимизде әмелге асырылып атырған реформалар халықтың турмыс дәрежесин жақсылаў, абадан турмысын тәмийинлеў, келешек әўладлардың кәмил инсанлар болып жетилисиўи ушын хызмет етпекте.

 

Мәмлекетимиз басшысының «Аралбойы аймағы балалары ушын реабилитациялық орайға ийе болған мәмлекетлик қәнигелестирилген көп тармақлы мектепке шекемги билимлендириў мәкемесин шөлкемлестириў илажлары ҳаққында»ғы қарары да жоқарыдағы пикиримиздиң айқын дәлили болып табылады.

 

Республикамызда биринши болып шөлкемлестирилген усы қәнигелестирилген мектепке шекемги билимлендириў мәкемеси ҳәр қыйлы физикалық нуқсаны болған балаларды социаллық-мәдений орталыққа тартыў, оларды мектепке шекемги билимлендириў ҳәм саламатластырыў реабилитациясы менен тәмийинлеўге қәнигелестирилген.

 

Бул жерде стандарт бөлмелерден тысқары, бассейн, емлеў-денетәрбиясы залы, 2 физиотерапия бөлмеси, 2 массаж бөлмеси, сенсор бөлмеси, майда моториканы раўажландырыў, социаллық-турмыслық ийкемлесиў, музыка ҳәм арт-терапия бөлмеси, ортопед, психолог, педиатр, диетолог, логопед, реабилитолог, психоневролог, методист ҳәм нәўбетши шыпакер бөлмелери менен тәмийинленген.

 

Илаж қәнигелестирилген мектепке шекемги билимлендириў мәкемеси жәмәәти ҳәм тәрбияланыўшылары тәрепинен таярланған концерт бағдарламасы менен даўам етти.

 

Халықаралық балаларды қорғаў күнине арналған байрам илажлары республикамыз бойлап барлық қала ҳәм районлар орайларындағы дем алыс бағлары, мәкеме, кәрхана ҳәм шөлкемлерде даўам етпекте.

 

Ислам Матеков,

Karinform.uz.

Автордың түсирген сүўретлери.

 

 

 

Social

Усыныс етемиз

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Субсидия тийкарында алынған үй-жай кредити ушын ажыратылған қаржыдан дәрамат салығы алынбайды

Уқсас жаңалықлар

«Жаслар дәптери»не кирген 833 студенттиң контракт пуллары төлеп берилди

«Жаслар дәптери»не кирген 833 студенттиң контракт пуллары төлеп берилди

    Қарақалпақстан Республикасында жаслардың социаллық-экономикалық машқалалары, олардың пикир ҳәм усынысларын үйрениў, оларға биргеликте шешим табыў мақсетинде

«Арбашы» аўылында 10-класс оқыўшылары бес жаслы баланы суўдан аман алып қалды

«Арбашы» аўылында 10-класс оқыўшылары бес жаслы баланы суўдан аман алып қалды

    Нөкис районындағы 7-санлы улыўма орта билим бериў мектебиниң 10-класс оқыўшылары Қуўаныш Хошмуратов ҳәм Саламат Ибрайымов

Балалықтың бахытлы мәўритлери (фоторепортаж)

Балалықтың бахытлы мәўритлери (фоторепортаж)

1-июнь – Халықаралық балаларды қорғаў күни ҳәр жылы елимизде кең түрде белгиленеди.   Қарақалпақлар – балажан халық....