Аллергия организмниң бийтаныс, жат элементлерге қарата тәсиршеңлик қәбилетин аңлатады. Аллергияға дәри муғдарын көбейтип жибериў ҳәм организмниң оған қарата қатты сезгирлиги себеп болыўы мүмкин. Бундай жағдайда наўқас дәри аллергиясы екенлигин теридеги таспалардың түрли көринисте болыўы менен парықлаўы мүмкин. Таспалар бирден наўқастың терисине торсықлар шығыўы ҳәм күшли қышыўы менен басланады. Бунда наўқастың улыўмалық жағдайы өзгереди. Дене температурасы көтериледи. Ҳәлсизлик, асқазан-ишек искерилигиниң бузылыўы бақланады. Таспалар көбинесе мойын ҳәм басқа да жерлерде пайда болыўы мүмкин. Бундай жағдайда сол жер исип, дем алыў ҳәм жутыў қыйынласады. Дәри аллергиясын үй шәраятында емлеўге ҳәрекет етпең. Дәслепки белгилер пайда болыўы менен шыпакерге мүрәжат етиң.
