ҚДУ талабаси «Ёшлар иттифоқи стипендияси» ғолиби бўлди

Олий таълим муассасаларининг бакалавр босқичи талабалари ўртасида ўтказилган «Ўзбекистон ёшлар иттифоқи стипендияси»нинг 2017-2018-ўқув йили бўйича республика босқичининг ғолиблари аниқланди.
Танлов якунларига кўра, Қорақалпоғистон Республикаси бўйича Бердақ номидаги Қорақалпоқ давлат университетининг қорақалпоқ филологияси факультетининг 2-босқич талабаси Наргиза Балтабаева ғолиб деб топилди.
Наргиза Балтабаева ўзининг қорақалпоқ халқининг бой мерослари, чунончи, фольклоримизни ёшлар ўртасида кенг тарғиб қилиш, халқ оғзаки ижодидаги адабий меросларимизни йиғиш учун фаолият юритадиган ва шу мақсад йўлида ёшларни бирлаштирадиган лойиҳаси билан Ўзбекистон миқёсида ғолиблар қаторидан жой олди.
Маълумот учун, «Ўзбекистон ёшлар иттифоқи стипендияси»нинг финал босқичига Бердақ номидаги Қорақалпоқ давлат университетидан 5 талаба ўз лойиҳалари билан иштирок этган эди.

Сахибжамал Есемуратова.