«Сын мақалалар қайда қалды? «Сын дүзелмей-мин дүзелмейди» - деген емеспе ақыры? Ҳәзир не көп газета-журналлар көп. Бирақ «айды етек пенен жаўып болмағанындай», жасырарлығы жоқ, олардың көбиси сапасыз, оқыўшыларды өзине тартпағанлықтан, «хожа көрсин»ге жазыламыз ямаса мәжбүрлеп жаздырады», деп келтирип өткен Қараөзек районы, 24-санлы мектеп диреткорының руўҳый-ағартыўшылық ислери бойынша орынбасары Ерғалий Юсупов «Шымшық сойса да қассап сойсын» атлы мақаласында. Бул мақала «Қарақалпақстан жаслары» газетасының 2018-жыл 15-февраль №7 (7971) санында жәрияланған.
Автор журналистлердиң дәўир нәпесин сәўлелендириўши ҳәм критикалық мазмундағы мақалаларды жаза алмағанлықта айыплаған.
Мағлыўмат ушын, бул мақалалар сайтымыздағы «ПОРТАЛ керек пе ямаса ЖУРНАЛИСТ? Журналистиканың төртинши ҳәкимият сыпатындағы орны қайда қалды?» атамасындағы ҳәм Арыўхан Турекееваның «Журналистиканың бүгинги машқалалары яки мүлгиген журналистлерди оятың…» атамасындағы мақалаларынан соң ашықтан-ашық билдирилген пикирлер.
Сайтымыздың телеграмдағы каналына ағза болың: 👉 https://t.me/karinformuz
Сахибжамал Есемуратова
