![](\"http://img.uz/d/2017/05/59294321f22f1.jpg\")
2017-жылдың 1-июнинен баслап жеткерип берилген тәбийғый газ ушын қарызы болған ҳәм тармақтан үзип қойылған тутыныўшылар газ тәмийнаты тармақларына қайта жалғаныўы ушын олардан ең кем айлық ис ҳақының еки есеси муғдарында төлем өндириледи. Соның менен бирге, 2017-жылдың 1-октябринен баслап тәбийғый газди есаплаў үскенелери болмаған күнделикли тутыныўшыларға тәбийғый газ жеткерип бериў тәбийғый газге белгиленген тариф муғдарының еки есеси қолланылған көринисте әмелге асырылады. Бул елимиз басшысының 2017-жылы 20-апрельдеги «Газ тәмийнаты системасына базар механизмлерин кеңнен енгизиў илажлары ҳаққында»ғы қарары тийкарында әмелге асырылады.
