ҚДУда Зулфия мукофотининг лауреатлари билан учрашув кечаси ўтказилди

Бердақ номидаги Қорақалпоқ давлат университети Хотин-қизлар қўмитаси бошланғич ташкилоти ташаббуси билан 27 март куни Бердақ номидаги Қорақалпоқ давлат университининг Маданият саройида Зулфия номидаги давлат мукофотининг лауреатлари билан «Қизлари бор элимизнинг» атамасидаги учрашув кечаси ўтказилди.
Зулфия мукофотининг жорий йилги лауреатлари Ажиниёз номидаги Нукус давлат педагогика институти Жисмоний тарбия факультети 2 курс талабаси Шаҳодат Джуллибаева ва Нукус маданият ва санъат коллежи 2 босқич ўқувчиси Наргиза Утемуратоваларни Бердақ номидаги Қорақалпоқ давлат университети ректори Ахмед Реймов ва университетнинг хотин-қизлар қўмитаси бошланғич ташкилоти бошлиғи Инжайим Сейтназаровалар табриклади.
Учрашув кечаси Ўзбекистон Республикаси Президентининг 2018 йил 2 март санасидаги «Зулфия номидаги Давлат мукофоти билан тақдирлаш ҳақида»ги ПФ-3581-сон қарорида белгиланган вазифаларни бажариш мақсадида амалга оширилди.
Учрашувда Шаҳодат Джуллибаеванинг онаси Рабиға Сабирова, Айзада Нуримбетова, Қорақалпоқ давлат университетининг Ўзбек филологияси факультети 4 курс талабаси, Бердақ номидаги давлат стипендианти, «Ёш китобхон» танловининг Республика босқичи 3 ўрин ғолиби Иқболай Яўмутбаева ва университетнниг Қорақалпоқ филологияси факультети 2 курс талабаси, Ўзбекистон Ёшлар Иттифоқи стипендианти Наргиза Балтабаевалар сўзга чиқди.
Биз ҳам Зулфия мукофотининг лауреатлари бўлган тенгдошларимизни чин қалбдан табриклаб, ўқишларида муваффақият тилаб қоламиз.

Сахибжамал Есемуратова