13 улды дүньяға келтирген ерли-зайып Қудайдан қызлы болыўды тилеп отыр

Жақында бразилиялы ерли-зайыплардың 13-перзенти дүньяға келген. Қызық тәрепи, бул перзентлериниң барлығы ул балалар. Ерли-зайып қызлы болыўды қәлемекте, деп хабар берди justfun.su.



40 жаслы фермер Ирнеу Круз ҳаялы Джусислейда Сильва менен турмыс қурғанына 12 жылдан аслам ўақыт болған.
Олар турмыс қурған ўақтында уллы болса атын әкеси, ал қызлы болса анасы қояды деп келискен. Ҳәзирге шекем шаңарақта тек ул балалар туўылғанлығы себепли, балаларының атын тек әкеси қойған.
«Мениң бразилиялы футболистлерге ҳүрметим бәлент. Олардың атлары көбинесе «Р» ҳәрибинен басланады. Сонлықтан, балаларымның барлығының атлары да «Р» ҳәриби менен басланады», - дейди олардың әкеси.



Улларының ең үлкени Робсон — 18, Рейнан — 17, Раунан — 15, Рубенса — 14, Ривалдо — 13, Руан — 12, Рамон — 10, Ринкон — 9, Рикельме — 7, Рамирес — 5, Райлсон — 3, Рафаэль — 2, ең кишкенеси – Роналду еле жасқа толмаған.