ҚҚДУда жисмоний ва ижодий имтихонлар бошланди

Ижодий имтихонлар 17 июль куни бошланиб, 22 июльгача махсус график асосида ўтказилиши белгиланган.
17-22 июль кунлари архитектура мутахассислигига ҳужжат топширган абитуриентлар тасвирлаш ва чизмачилик бўйича, шу санада жисмоний маданият ва аёллар спорти мутахассисликлари бўйича пойтахтимиздаги спорт манежи, Олимпия захиралари коллежи сузиш ҳавзаси ва университетнинг спорт майдончасида жисмоний тайёргарлик бўйича имтихонлар бўлиб ўтмоқда.
Филология ва тилларни ўқитиш: қозоқ тили мутахассислигидан тест синовлари ва туркман тили мутахассислигидан ёзма иш имтихони 17 июль куни ўтказилган бўлса, бугун уларнинг натижаси эълон қилинди. Мазкур мутахассисликлар 19 июль куни тарих фанидан имтихон топширади.
Журналистика мутахассислигига ҳужжат топширган абитуриентлар эса 20 июль куни ёзма иши формасида ўтказиладиган ижодий имтихондан ўтади.

Сахибжамал ЕСЕМУРАТОВА.