![](\"http://img.uz/d/2017/08/598d34e73df3d.jpg\")
АҚШ президенти Дональд Трамп Россиядағы АҚШтың дипломатиялық миссиясының хызметкерлерин азайтқаны ушын Владимир Путинге миннетдаршылық билдирди.
«Мен оннан миннетдарман. Себеби, биз қаржыны үнемлеўди мақсет еткенбиз. Ол көп адамды жумыстан босатты. Енди бизиң шығынымыз азайды», - деп айтып өткен Трамп Нью-Джерсидеги гольф-клубта журналистлер менен ушырасыўда.
Мағлыўмат ушын, Владимир Путин июль айында Россиядағы АҚШ елшиханасындағы хызметкерлердиң санын қысқартыў ҳаққында қарар қабыл еткен еди. Буған АҚШтың Россияға қарсы жаңа санкциялары себеп болған. Нәтийжеде Россиядағы АҚШ елшиханасындағы хызметкерлер саны 755 ке қысқарды.
Ислам Матеков.
