22-августтан баслап 50 000 сўмлық банкноталар айланысқа енгизиледи

2017-жылдың 22-август күнинен баслап Өзбекистан Республикасы Орайлық банки қунлылығы 50 000 сўм болған банкнота көринисиндеги жаңа пул белгилерин айланысқа енгизеди, деп хабарлайды Орайлық банктиң рәсмий веб-сайты.
Банкнотаның алдынғы тәрепиниң орайында Ғәрезсизлик майданындағы «Эзгулик» аркасының төбесиндеги ушыўға таярланып атырған ләйлеклер сүўретленген.



Банкнотаның артқы тәрепиниң орайында «ANJUMANLAR SAROYI» архитектуралық имараты сүўретленген.



Айланысқа енгизилип атырған қунлылығы 50 000 сўм болған пул белгилери, ҳәзирги ўақытта айланыста болған пул белгилери ҳәм теңге пуллар менен бир қатарда, барлық хожалық басқарыўшы субъектлер ҳәм халық тәрепинен өз қунлылығы бойынша барлық түрдеги төлемлер ушын ҳешқандай шеклеўлерсиз қабыл етилиўи шәрт.

Ислам Матеков.