Гитлер Аргентинаға қашып кеткен (бе?)

АҚШ Федераллық излеў бюросы Гитлердиң 1945-жылы Аргентинаға қашып кетиўи ҳаққындағы жасырын ҳүжжетлерди жәриялады.
Ҳүжжетлерде жазылыўынша, Гитлер суў асты кемесинде Түслик Америкаға жетип барған. Аргентинаның 6 жоқары лаўазымлы адамлары оған турақ жай – Анд таўының қубла тәрепинен ранчо берген.
Атап өтилиўинше, мағлыўматлар Федераллық излеў бюросы директоры Эдгар Гуверге жетип барған. Бирақ, бюро басшылары оларды «толық емес» деп есаплап, Гитлерди бул мағлыўмат тийкарында излеўди даўам еттириў мүмкин емеслигин билдирди.
Биринши баянаттың сәнеси 1945-жыл 21-сентябрь деп көрсетилген.
Рәсмий дәреклерде жазылыўынша, Адольф Гитлер 1945-жыл 30-апрель күни өз жанына қастыянлық еткен.

Ислам Матеков.

Сайтымыздың телеграмдағы каналына ағза болың: https://t.me/karinformuz