Берунийде «МАЗ» жүк автомобилиниң салоны өртенип кетти

Усы жылдың 6-май күни Беруний районы «Бунёдкор» МПЖ аймағынан өтетуғын Төрткүл трассасында ҳәрекетленип баратырған «Беруний электр тармақлары кәрханасы» АЖға тийисли «МАЗ» жүк автомобилиниң салоны өртенип кеткен.
«Беруний ЭТК» АЖ хызметкери пуқара А.П.ның басқарыўындағы ҳәрекетленип баратырған «МАЗ» жүк автомобилинде жүз берген өртти сапластырыў ушын 2 өрт өшириў экипажы жетип барған.
Алып барылған оператив ҳәрекетлер нәтийжесинде өрт сапластырылған.
Мағлыўматларға қарағанда, жарақат алғанлар жоқ. Өрттиң келип шығыўына жүк автомобилиниң ишки бөлиминдеги электр сымларындағы қысқа тутасыў себепши болғаны болжанбақта. Ҳәзирги ўақытта материаллық зыян муғдары анықланбақта.

Ислам Матеков.

Сайтымыздың телеграмдағы каналына ағза болың: https://t.me/karinformuz