![](\"http://img.uz/d/2017/10/59d478e26dbe5.jpg\")
Өзбекистан «Миллий тикланиш» демократиялық партиясының Орайлық Кеңеси тәрепинен «XXI әсир ҳаялы» таңлаўының Өзбекистан Республикасы басқышы өткизилди. Таңлаўды ӨзМТДП Орайлық кеңеси баслығы Сарвар Атамуратов алып барды.
![](\"http://img.uz/d/2017/10/59d47940a52ca.jpg\")
Таңлаўдың аймақлық басқышы жеңимпазлары «Партия мениң тәғдиримде», «Егер мен депутат болсам…» сыяқлы шәртлерде өзлериниң талантын ҳәм билимин көрсетти. Үшинши, тийкарғы шәртте барлық қатнасыўшылар Өзбекистан Республикасында ҳаял-қызлардың ҳуқық ҳәм мәплерин қорғаўға қаратылған нызам ҳәм нызам асты ҳүжжетлери сондай-ақ, ӨзМТДП бағдарламасын жетилистириў бойынша усынысларының презентациясын өткизди.
![](\"http://img.uz/d/2017/10/59d47915dc360.jpg\")
Таңлаўдың жуўмағына бола, жоқары нәтийжелерге ерискен Қарақалпақстан Республикасы Елликқала көркем өнер ҳәм педагогика коллежи оқытыўшысы Шарипова Шаҳноза 1-орынды ийеледи ҳәм қымбатбаҳалы саўға менен сыйлықланды.
![](\"http://img.uz/d/2017/10/59d4795b8658c.jpg\")
