Өзбекстанда 15-августтан электр энергиясы, газ тарифлери ҳәм жәмийетлик транспортларда жол ҳақы қымбатлайды. Бул ҳаққында Министрлер Кабинетиниң 30-июльдеги «Жанылғы-энергетика ресурсларының баҳасы ҳәм тарифлерин өзгертиў ҳаққында»ғы Қарарында келтирилген.
Тәбийий газдиң (1 куб/м) баҳасы есаплағыш болған жағдайда, 380 сўмды (ҳәзирде 320 сўм) қурайды. Есаплағыш болмаса, аўқат писириў ҳәм ыссы суў менен тәмийинленгенлиги ушын 1 куб/м ушын 660 сўм болады (ҳәзирде 553 сўм).
Турмыслық хызметлер ушын пайдаланыўшыларға электр энергиясының баҳасы (1 кВт саат ушын) 250 сўмнан 295 сўмға шекем қымбатлайды, ислеп шығарыўшы ҳәм басқа түрдеги пайдаланыўшылар ушын – 450 сўм.
Буннан тысқары, 15-август күнинен баслап қалада жолаўшы тасыўшы транспорты да қымбатлайды.
Сахибжамал Есемуратова
