Авиабилетлер ҳәм мийманханаларға буйыртпа бериў хызметин көрсетиўши «Aviasales.uz» изертлеўшилери усы жылдың басынан берли өзбекстанлылар ең көп ушқан авиажөнелислерди үйренип шықты.
Бунда биринши орынды Москва қаласы ийелеген. Россияның пайтахтына Ташкенттен барып-келиў билети орташа 2,9 миллион сўмды қурайды. Қәнигелердиң пикиринше, Москва өзбекстанлы саяхатшылар ушын Европаға сапарын даўам еттириўге имканият бериўши ең жақын орын есапланады.
Дизимниң 2-орнын Сеул ийелеген. Алма-атаға пәрўаз ең арзан жөнелис деп табылған. Бул қалаға Өзбекстанлылар 1,9 миллион сўм менен барып-келиўи мүмкин. Буннан кейинги орынларды Санкт-Петербург, Стамбул, Казань, Дубай, Киев ҳәм Пекин ийелеген.
Сахибжамал Есемуратова
Сайтымыздың телеграмдағы каналына ағза болың: https://t.me/karinformuz
