Ўзбек тилига «Давлат тили» мақомининг берилишига бу йил 30 йил тўлмоқда. Шу муносабат билан Нукус шаҳар Халқ таълими вазирлигига қарашли 17-сонли умумтаълим мактабида «Ўзбек тилим-ифтихорим» мавзусида адабий-бадиий кеча ўтказилди, дея хабар қилди мактабнинг ўзбек тили фани ўқитувчиси Вазира Аллабергенова. Кечада мактаб ўқитувчилари, ўқувчилари ва маҳалла фаоллари, ота-оналар иштирок этишди.
Кечада ўқувчилар ўзбек тили фан тўгаракларида ўрганган шеър ва ғазалларни, адабиёт қаҳрамонлари ҳаёти билан боғлиқ воқеалар акси этган, тилимизни, маънавиятимизни улуғловчи юксак ғоялар сингдирилган саҳна кўринишлари ва рақслар ижро этишди. 5-11- синфлар ўртасида «Ўзбек тили», 9-11-синфлар ўртасида «Тарихимсан, тақдиримсан, келажагимсан – она тилим!» мавзуларида ўтказилган иншолар танлови ғолиблари эълон қилиниб, фаҳрий ёрлиқлар билан тақдирланди.
Сахибжамал Есемуратова
Сайтимизнинг телеграмдаги каналига аъзо бўлинг: https://t.me/karinformuz
