Жорий йилнинг 24 апрель санасида Бердақ номидаги Қорақалпоқ давлат академик мусиқали драма театрида Қорақалпоғистон Республикасида жойлашган барча олий таълим муассасалари ўртасида талабалар театр-студияларининг танлови бўлиб ўтди. Унда Қорақалпоғистондан 6 олий таълим муассасанинг талабалари иштирок этди.
Бердақ номидаги Қорақалпоқ давлат университети «Жайҳун» гуруҳининг «Өмирдиң төрт күни», Тошкент давлат аграр университети Нукус филиали «Жаслар» гуруҳининг «Бултлы күнлер», Ўзбекистон маданият ва санъат институти Нукус филиали «Art life» гуруҳининг «Тоғыз тоңқылдақ ҳәм бир шиңкилдек», Ажиниёз номидаги Нукус давлат педагогика институти «Жаслық» гуруҳининг «Тыўылған күн», Муҳаммад ал-Хоразмий номидаги Тошкент ахборот технологиялари университети Нукус филиали «Таң нуры» гуруҳининг «Меҳир нуры», Тошкент педиатрия тиббиёт институти Нукус филиали «Гигея» гуруҳининг «Экстрасенс» мавзуларидаги сахна кўринишлари томошабинлар эътиборига ҳавола этилди.
Сахнавий кўринишларни ҳакамлар ҳайъати аъзолари Ўзбекистон Ёзувчилар юшмаси аъзоси, Қорақалпоғистон Республикасига меҳнати синган маданият ходими, драматург Қ.Матмуратов, Бердақ номидаги Қорақалпоқ давлат академик мусиқали драма театри актрисаси Ж.Сагиндикова, Ўзбекистон Ёзувчилар уюшмаси аъзоси, ёзувчи ва шоир Я.Ажимов, Ўзбекистон ёшлар иттифоқи Қорақалпоғистон Республика Кенгаши бўлим бошлиғи М.Мамбетовлар одил баҳолаб борди.
Сахнав кўринишларга қўйилган баллар натижасига кўра, Бердақ номидаги Қорақалпоқ давлат университетининг «Жайҳун» гуруҳи 48 балл билан 1-ўринни, Тошкент давлат аграр университети Нукус филиали «Жаслар» гуруҳи 47 балл билан 2-ўринни, Ўзбекистон маданият ва санъат институти Нукус филиали «Art life» гуруҳи 44 балл билан 3-ўринни эгаллади.
Шунингдек, Ажиниёз номидаги Нукус давлат педагогика институти «Жаслық» гуруҳи 43 баллни, Мухаммад ал-Хоразмий номидаги Тошкент ахборот технологиялари университети Нукус филиали «Таң нуры» гуруҳи 41 баллни, Тошкент педиатрия тиббиёт институти Нукус филиали 39 баллни қўлга киритишди.
Сахибжамал Есемуратова
Фото: Баўиржан Ботабаев
